Materiais de lingua

1. Hortografía. O cultivo das palabras: un negocio con futuro
Material para traballar a expresión escrita, dirixido a 3º ou 4º de ESO ou á Diversificación Curricular. Consta de dúas partes: a primeira é un paquete de 80 actividades interactivas elaboradas con Hotpotatoes e Ardora e a segunda, a webquest "Turistas de palabra". Contén indicacións didácticas e avaliación.
As actividades abordan contidos de corrección léxica, ortográfica, morfolóxica e sintáctica; puntuación e as propiedades textuais. Tamén se ofrecen propostas de exercicios en pdf para imprimir.
A webquest simula un intercambio turístico: o alumnado ten, primeiramente, que informarse sobre Brasil, Arxentina, China e Irlanda para escoller o destino da súa viaxe; posteriormente, deberá elaborar un folleto de viaxe sobre Galiza para os turistas cos que vai realizar o intercambio.

2. Cando ti naciches o mundo xa era mundo...
Adaptación da webquest de iniciación "O día do teu nacemento" de Mario Aller. A tarefa central é que o alumnado investigue sobre o que acontecía no mundo na época do seu nacemento (sucesos, noticias, cine, literatura e música) para presentar un informe final. Está elaborada para alumnado nacido nos anos 1990, 1991 ou 1992, pero pódese descargar e modificar con facilidade.

3. Comentario crítico
Material en pdf para traballar o comentario crítico en 2º de bacharelato. Presenta dúas versións, unha para alumnado e outra para profesorado. Consta dunha parte teórica na que se explica que é un comentario crítico e como se elabora, ademais dunha relación detallada de recomendacións para evitar erros na súa redacción e un modelo de texto comentado. A parte práctica ofrece diversas actividades e textos e un patrón para a autocorrección para o alumnado. A versión para o profesorado inclúe a maiores a solución dalgunhas actividades, máis textos para comentar e unhas orientacións sobre a aplicación didáctica do material.

4. Sintaxe 2º bacharelato: teoría e práctica
Adaptación e simplificación en pdf da teoría funcionalista de análise sintáctica para o alumnado de 2º de bacharelato. Proponse unha representación arbórea e abórdanse os conceptos de función e unidade, así como unha clasificación destas, propoñendo solucións a casos problemáticos habituais. Trabállanse as oracións simples, as coordinadas e as subordinadas de relativo, substantivas e adverbiais. Tamén se inclúen diversas actividades.

5. Repaso xeral de 2º de ESO
Paquete de 20 actividades creadas con Hotpotatoes que repasan aspectos xerais do currículo de 2º de ESO: ortografía, historia da lingua, sintaxe, léxico, cantigas de amigo, Rosalía e Curros.
6. Esquemas e mapas conceptuais
Repaso guiado en pdf de como facer esquemas e mapas conceptuais con breves notas teóricas e diversos textos para practicar.
Esquemas 3º ESO
Esquemas e mapas 4º ESO

Materiais doutras páxinas


1. Lingua escrita

2. Lingua oral

3. Sociolingüística

4. Historia da lingua

5. Selectividade