|
|
|
1. Fran Alonso: Poetízate
Guión de traballo en pdf sobre esta antoloxía poética para o alumnado de 4º de ESO. Aquí podedes ver un vídeo elaborado a partir dun poema de A. García Teijeiro e na web do centro móstranse outros resultados deste traballo.
|
2. Velocidade lectora
Texto para calcular a velocidade lectora do alumnado e mais dúas láminas de palabras con exercicios para mellorala. O material pódese usar en calquera nivel, pero está especialmente enfocado ao alumnado que presente dificultades na lectura.
|
3. O achado do castro
Paquete de 12 actividades en pdf para traballar despois da lectura dramatizada na aula do texto O achado do castro de Manuel Núñez Singala. Ademais tamén se inclúe un test de lectura. Pode resultar especialmente útil para o alumnado de Diversificación Curricular de 3º ou 4º. Este material foi elaborado en colaboración con Noemí Pazó e Begoña González Cuñarro.
|
4. Libros a exame
Valoración dos libros de lectura do alumnado de varios cursos de 4º de ESO. Os best-seller son Aire negro, Agosto do 36 e Gárgola.
|
5. O top 10 da lectura
Selección de lecturas do alumnado de Diversificación Curricular de 3º de ESO. Cada libro está brevemente comentado. Ademais, ofrécese unha actividade interactiva para realizar despois da lectura e unha ligazón a páxinas con información das autoras e autores.
|
6. Recensións do alumnado
Diversas recensións realizadas por alumnado de 2º de bacharelato, ademais dun especial sobre Orixe de Séchu Sende.
|
7. Listas de lectura
|
| |
Materiais doutras páxinas |
|
1. Listas de lectura
|
2. Información e guións de traballo sobre libros concretos
- Boletín de lecturas Libros á carta… para 2º e 3º de ESO para o curso 2008-09 de Román Landín. Inclúe unha ampla e variada lista de libros, as súas recensións, o sistema de avaliación, unha ficha de lectura e ligazóns a páxinas de interese para o alumnado.
Algunhas lecturas teñen, ademais, un guión de traballo específico que tamén se pode consultar no mesmo blogue.
- Boletín de lecturas Libros á carta… para 4º de ESO para o curso 2008-09 de Román Landín. Inclúe unha ampla e variada lista de libros, as súas recensións, o sistema de avaliación, unha ficha de lectura e ligazóns a páxinas de interese para o alumnado.
-
No blogue Revolta da freixa temos información e guións de traballo sobre Cartas de amor de Fran Alonso, Soidades de Ana de Jordi Sierra i Fabra, Durmido sobre os espellos de Jordi Sierra i Fabra, A Mennulara de Simonetta Agnello, O demo e o profundo mar azul de Eva Moreda, As mans do medo de Xosé Miranda, O neno do pixama a raias de John Boyne, A sombra descalza de An Alfaya, O soño da febre de M. A. Murado, A pega rabilonga de Álvarez Blázquez, A pomba e o degolado de Fina Casalderrey, Ollos de auga de Domingos Villar (inclúe varios test sobre léxico) e O único que queda é o amor de A. Fernández Paz
- Miniquest sobre o relato "Amor de agosto" de O único que queda é o amor de Fernández Paz en Revolta da freixa
-
Actividades sobre o libro Gatos e leóns de Neira Cruz, elaboradas por Concha Blanco para 1º de ESO
-
|
3. Experiencias de lectura
-
Blogue As estelas dos ronseis de Gracia Santorum e Anxo Fernández , creado para publicar os resultados dunha experiencia de lectura cun grupo de 4º de ESO. O alumnado escolle un libro dunha ampla lista proposta e vai anotando no seu caderno as sensacións, sentimentos, impresións e comentarios que lle provoca a lectura; posteriormente, estas anotacións trasládanse ao blogue. Libros tan diferentes como O diario de Ana Frank, Cartas de amor, Made in Galiza, O hobbit, Seda, A lingua das bolboretas, Xuntos e máis nada, Tres segundos de memoria ou O diario vermello de Carlota aparecen comentados polo alumnado. Aquí podedes consultar a lista de lectura completa.
- O alumnado do IES Leiras Pulpeiro comenta os libros lidos.
|
| |
|
|
|
|