Avaliación 2

Responde o cuestionario. Coidado co tempo. Para saber se o vas facendo ben dálle a "Comprobar respostas". Ao que remates tes que ler a "Valoración global".

Copia e pega o seguinte texto do libro Reporteiro de guerra en Iugoslavia de Delmi Álvarez para colocarlle os puntos; son oito. Realiza tamén os axustes necesarios nas maiúsculas:
O ultimato dos serbios dicía algo así: “Se as vosas armas son os lapis e as cámaras, as nosas serano as balas e os canóns” dito isto comezou a conta atrás as advertencias non cesaban: “Se denunciades as actuacións do exército serbio, utilizaremos as armas contra todos vós”, declarou un xeneral das forzas armadas iugoslavas a Antena 3 TV fomos obxecto de bombardeos durante toda a noite pola mañá, mentres Ramiro Villapadierna intentaba gañar o búnker, estoupou unha granada na cafetería e os cristais craváronselle en todo o corpo tivémolo que sacar nunha cadeira, do mal que estaba a embaixada española enviou un convoi para nos sacar de alí e escoltarnos ata Zagreb, onde nos esperaba un Hércules que se dirixía con destino a España decidimos quedar, permanecer un día máis e cada un tirou para onde puido
Observa as palabras destacadas no texto e indica que teñen en común:

O ultimato dos serbios dicía algo así: “Se as vosas armas son os lapis e as cámaras, as nosas serano as balas e os canóns”. Dito isto comezou a conta atrás. As advertencias non cesaban: “Se denunciades as actuacións do exército serbio, utilizaremos as armas contra todos vós”, declarou un xeneral das forzas armadas iugoslavas a Antena 3 TV. Fomos obxecto de bombardeos durante toda a noite. Pola mañá, mentres Ramiro Villapadierna intentaba gañar o búnker, estoupou unha granada na cafetería e os cristais craváronselle en todo o corpo. Tivémolo que sacar nunha cadeira, do mal que estaba. A embaixada española enviou un convoi para nos sacar de alí e escoltarnos ata Zagreb, onde nos esperaba un Hércules que se dirixía con destino a España. Decidimos quedar, permanecer un día máis e cada un tirou para onde puido.
1. �� Son castelanismos.
2. �� Son exemplos de impropiedades léxicas porque están mal empregadas.
3. �� Son exemplos de imprecisión léxica porque se repite información.
Propón agora solucións para a redundancia "un Hércules que se dirixía con destino a":
1. �� un Hércules con destino a
2. �� un Hércules que ía con destino a
3. �� un Hércules con dirección e destino a
Que solución propoñerías para a acumulación de sinónimos "decidimos quedar, permanecer"?
1. �� Suprimir un dos dous para que a expresión sexa máis directa.
2. �� Deixalos porque demostran que se coñece moito vocabulario.
3. �� Deixalos, porque un aclara o significado do outro.
Escribe unha alternativa para o circunloquio "fomos obxecto de bombardeos durante toda a noite"
Varias das seguintes afirmacións conteñen información repetida. Indica cales son.
1. Na actualidade, máis de 120 000 nenos e nenas menores de 18 anos participan en loitas armadas.
2. Os menores son soldados baratos, obedientes e manipulables mediante drogas.
3. Unha vez rematado o conflito a reinserción dos menores na sociedade é moi complexa.
4. Cando remata a guerra, é complicado que os nenos e nenas se volvan integrar normalmente na sociedade.
5. Algunhas organizacións loitan para establecer leis que regulen o tráfico internacional de armas.
6. O control do comercio internacional de armas é un aspecto fundamental da loita dalgunhas organizacións.
7. Nas guerras, as nenas son obxectos sexuais e son obrigadas a manter relacións cos mandos das tropas.
Supón que tes que facer unha redacción sobre a infancia e as guerras; da información que che ofrecemos a continuación, selecciona aquela deberías utilizar.
1. Na actualidade, máis de 120 000 nenos e nenas menores de 18 anos participan en loitas armadas.
2. Os menores son soldados baratos, obedientes e manipulables mediante drogas.
3. Unha vez rematado o conflito, a reinserción dos menores na sociedade é moi complexa.
4. Obríganos a intervir nos combates para salvar a súa vida ou a dos seus familiares.
5. Algunhas organizacións loitan para que se estableza un tratado internacional sobre o comercio de armas para impedir que poidan ser usadas na violación dos dereitos humanos.
6. Os nenos realizan as tarefas máis perigosas e desagradables: espionaxe, misións suicidas, operacións de castigo á poboación civil...
7. Nas guerras, as nenas son obxectos sexuais e son obrigadas a manter relacións cos mandos das tropas, co conseguinte risco de contraer SIDA ou quedar embarazadas.
8. Entre 1990 e 2005 máis de vinte nacións africanas estiveron afectadas por conflitos bélicos.
9. Desde 1945 as guerras causaron máis de 25 millóns de mortes.
10. En 2006, 153 países votaron a favor dun tratado internacional sobre comercio de armas, pero EEUU votou en contra.
Agora debes indicar cal sería a orde máis lóxica para expoñer a información nesa redacción. Se non ves a pregunta anterior, preme no botón "Mostrar todas as preguntas".
1. �� a, d, b, f, g, c
2. �� c, b, a, f, d, a
3. �� g, c, b, f, d, a
Fíxate nesta oración: "Os danos que as guerras lle ocasionan á infancia son latentes". Dirías que...
1. �� É correcta.
2. �� É incorrecta porque non emprega vocabulario preciso.
3. �� É incorrecta porque contén unha impropiedade léxica: "ocasionan" está mal utilizado, deberían ser "provocan".
4. �� É incorrecta porque contén unha impropiedade léxica, "latentes"; esta palabra confundiuse con outra.
Escribe agora a palabra correcta para o lugar de "latentes" na oración anterior: "Os danos que as guerras lle ocasionan á infancia son latentes".
1. �� patentes
2. �� potentes
3. �� parentes